Foros Xenealoxía.org - Apellidos de Galicia

Ao longo dos seus 13 episodios, esta serie de corte histórico explica de xeito didáctico e ameno como Galicia foi desenvolvéndose desde a Revolución Industrial ata chegar a ser o que é hoxe, presentando as súas empresas e empresarios máis importantes, as súas dificultades e os seus acertos; e despregando un mapa que repasa os distintos e máis importantes sectores industriais, como o salazón e a conserva, o naval, o téxtil, a minaría, as comunicacións, a industria alimentaria, a electricidade, o termalismo, etc.

Ferrol pasou da tradición das vellas carpintarías da ribeira aos grandes estaleiros públicos e privados. Desde o século XVIII é pioneira dos cruceiros e acoirazados da Armada. Mentres, na ría de Vigo, Barreras, Ascón ou Vulcano botaron a frota pesqueira que hoxe pesca en todos os mares do mundo: sísmicos, transbordadores, plataformas, remolcadores...

No programa desta tarde, "As Raíces" deterase na historia da minaría en Galicia, un país que ten canteira, xa que é o mellor exportador de lousa e granito. Nas Pontes, o carbón converteuse en enerxía. As "aureanas" do Miño buscaron o ouro que levaron os romanos. De Viveiro e da Pontenova saíu o ferro que alimentou os primeiros altos fornos privados de España. E o volframio fixo vivir na segunda guerra mundial unha febre económica.

Dos tornos dos oleiros saíron durante séculos tanto as olas de barro para cociñar coma as xerras para levar a auga. Máis tarde, A Coruña foi alcumada “A cidade de cristal”, e Sargadelos, nas súas diferentes etapas, engadiu aos seus produtos un punto especial de calidade hoxe apreciada en todo o mundo. E en Vigo foi onde Julio Álvarez logrou crear un grupo industrial líder en España. Deste xeito, o barro e a louza viaxaron dende a artesanía ata a industria máis avanzada.

O programa aborda o sector químico, que explorou desde as modestas fábricas de lapis, locións e mistos ata as grandes empresas de carburos e fosfatos. Os espectadores tamén saberán máis do eido da farmacia, que comezou cos pequenos remedios de botica e rematou co grupo Zeltia, pioneiro da modernidade. Hoxe en día, a industria farmacéutica galega compite no mercado internacional con empresas punteiras como Pharmamar.

Coma cada domingo, "As Raíces", o programa divulgativo da Televisión de Galicia seguirá dando a coñecer como a industria galega evolucionou ao longo do tempo, dende os seus comezos no século XVIII ata o día de hoxe. Unha mellora industrial que trouxo consigo outra melloría social que hoxe, co exemplo do sector das telecomunicacións, poderán comprobar os espectadores.

Galicia librou a batalla das telecomunicacións, xa que un galego, Ramón Verea, inventou un dos primeiros ordenadores do mundo. Nas dúas guerras mundiais, o cable inglés foi desde Vigo o maior nodo de comunicacións de Europa. E hoxe a nosa comunidade presume de empresas punteiras como Televés ou R, dunha escola de telecomunicacións e do primeiro satélite galego.

"As Raíces" achegarase ao sector da enerxía eléctrica, que chegou a Galicia no século XIX como divertimento, para iluminar as vilas en época de festas. As primeiras centrais eléctricas do país foron térmicas, pero a auga sería a revolución. Pedro Barrié de la Maza fundaría Fuerzas Eléctricas del Noroeste, Fenosa. Despois chegarían as centrais térmicas e un paso máis aló supuxo a enerxía eólica.

Paralela á Revolución Industrial, Europa viviu a chamada “Revolución dos transportes”. Galicia, illada no “Finisterrae”, cunha orografía complexa, chegou tarde aos avances. Estradas, trens e aviación demoraron a súa aparición. Os portos son a porta cara ao mundo. Pero, do vello tren “Compostelán” á alta velocidade e do Camiño Real ás autovías, as comunicacións mudaron a paisaxe e a economía do país.

Tras ser unha potencia da industria dos tecidos no século XVIII co traballo do liño, Galicia comezou a súa decadencia coa chegada do algodón. Pero xa no século XX, coa industrialización do sector, Galicia volveu rexurdir ata que nos 80 xa se escoitaba o denominativo "moda galega". E hoxe en día, en Arteixo, Galicia conta co maior xigante téxtil do mundo, Inditex, un referente en todos os ámbitos.

A. Amoedo | Vigo
"El origen de la industria conservera"
Pese a la fuerte presencia del sector en Galicia desde hace más de 150 años, el germen del sistema para preservar los alimentos surgió en 1810 en Francia, de la mano de Nicolás Appert
http://www.farodevigo.es/sociedad-cultu ... 86085.html