http://elprogreso.galiciae.com/nova/183055.html"Un pasado por descubrir"
11/07/2012 - Susana L. Montes / El Progreso (O Valadouro)
Recuperar unha publicación promovida o pasado século polo cura de Bacoi pode ser unha das primeiras actividades que poña en marcha o recentemente creado Seminario de Estudos de Valadouro (Seva), unha entidade que nace co ánimo de «recuperar, promocionar e divulgar valores históricos, etnográficos, artísticos, culturais, económicos ou científicos», segundo recorda o seu presidente Xabier Pardiñas.
Él é un dos 19 socios fundadores, un grupo de persoas, todos homes, comprometidos coa cultura e sobre todo coas ganas de que O Valadouro recupere o seu esplendor, un pasado por descubrir que agora queren converter en presente.
Recordan que o seu ámbito de actuación é todo o Val, que representan administrativamente a tres concellos, aínda que xa deixan claro que non van entrar en polémicas de unificación, pois «a cultura e os valores do val non teñen fronteiras administrativas, así que non imos ser nós que lle ponlla cancelas», advirten.
A directiva ten moitas ideas, aínda que todo o que se realice irá en función do que decidan os socios, así que un dos primeiros obxectivos vai encamiñado á captación de novos membros, un paso no que van vento en popa, e é que a cota anual estipulada é de quince euros ao ano.
Fotos: O val entre a néboa visto desde a torre fortaleza de Alfoz (Foto. José Mª Álvez)