O Centro Ramón Piñeiro para a Investigación en Humanidades (CRPIH), dependente da Secretaría Xeral de Política Lingüística da Consellería de Cultura e Educación, fai hoxe 20 anos. Foi creado co nome de Centro de Investigacións Lingüísticas e Literarias Ramón Piñeiro polo Decreto 25/1993 do 11 de febreiro coa finalidade de impulsar a investigación da lingua galega e completar, deste xeito, a que se viña facendo dende a Real Academia Galega e dende as tres universidades da nosa comunidade autónoma, nomeadamente a do Instituto da Lingua Galega. As súas áreas de pescuda fundacionais son lingua, literatura e antropoloxía, aínda que desenvolveu fundamentalmente as dúas primeiras.
Referente internacional en investigación
Nos seus 20 anos de andaina, o CRPIH deu a lume 211 produtos científicos: 9 recursos en liña de libre acceso, 96 libros e 106 publicacións que se poden consultar tanto en soporte papel coma na web.
Algúns dos seus proxectos convertérono nunha referencia internacional. Tal é o caso do Arquivo Galicia Medieval, con 5 bases de datos imprescindibles para quen queira achegarse ao estudo da nosa literatura antiga [...]
169.260 euros. Esa é a cantidade que a Xunta de Galicia destinará ao Centro Ramón Piñeiro para a Investigación en Humanidades (CRPIH) co obxectivo de impulsar a investigación lingüística até o 2015.
Así o acordaron este martes a Consellería de Educación e as universidades de Santiago, A Coruña e Vigo para o apoio, dirección e asesoramento científico-técnico que recibirán, desde o ámbito universitario, case unha vintena de proxectos de investigación que ten en marcha o CRPIH, ente adscrito á Secretaría Xeral de Política Lingüística.
Co obxectivo de impulsar as actividades de investigación da historia da lingua e a literatura galega a través da labor que realiza o Centro Ramón Piñeiro en colaboración coas universidades galegas, a Consellería de Cultura, destinará máis de 287.000 euros.
A familia cede este legado e, con el, os dereitos científicos do material, coa única condición de que o Centro Ramón Piñeirio o teña dispoñible de balde para uso e publicación de todos os investigadores interesados, tal e como o propio Jürgen Untermann fixo en vida. http://www.xunta.gal/notas-de-prensa/-/ ... -untermann
O secretario xeral de Política Lingüística deu a coñecer hoxe pola mañá a versión ampliada desta ferramenta lingüística en liña que incorpora preto de 37 millóns de palabras, das que case 600.000 son formas diferentes
O Centro Ramón Piñeiro para a Investigación en Humanidades (CRPIH), dependente da Secretaría Xeral de Política Lingüística, deulle hoxe a benvida aos oito novos bolseiros en formación que incorpora aos proxectos CORGA/XIADA, CODOLGA, BILEGA, Termigal, Informes de Literatura, Recuperación de textos poéticos e xornalísticos galegos, Lírica profana galego-portuguesa e Dimensión da identidade colectiva de Galicia...
