O script que escribiu Dinuciña para trasladar os datos da vella base de datos vai dando os seu froitos.
A totalidade das liñaxes publicadas volven a estar dispoñibles en liña, cunha pequena modificación (discutible e mellorable), agora as liñaxes quedan repartidas en cinco categorías:
- * Celebridades ( 107 Artigos )
- * Galicia ( 55 Artigos )
- * A Coruña ( 213 Artigos )
- * Lugo ( 227 Artigos )
- * Ourense ( 65 Artigos )
- * Pontevedra ( 234 Artigos )
O sistema permite ordenar por título, autor ou hits. Tamén buscar directamente no título dentro da categoría. O buscador da cabeceira é o máis completo aínda que consume máis recursos e tarda tamén máis.
Problemas
Non moitos afortunadamente, pero hainos.
- O principal é que moito do código de etiquetaxe do contido está obsoleto ou con defectos (o mesmo problema nas noticias) polo que algunhas liñaxes ou partes delas non se mostran ben.
- As imaxes que ilustraban algunhas das liñaxes non aparecen, hainas que enlazar de novo.
- Os títulos das liñaxes tampouco son agora moi comprensibles nalgúns casos e desaxeitados na maioría.
- Algunhas liñaxes teñen ligazóns internas a outras liñaxes de Xenealoxía.org. Estas ligazóns tampouco serven para nada.
- Algunhas liñaxes poden non corresponderse ca categoría que están encadradas.
Bóveda Casa de Santa Eulalia de (Lugo)
Golmar Pazo de (Sobrado dos Monxes - A Coruña)
deberían ser
Casa de Santa Eulalia de Bóveda
Pazo de Golmar (Sobrado dos Monxes)
eliminando por suposto a provincia xa que agora vai implícita na categoría, e como o buscador busca no título sería máis interesante completar con denominacións de liñaxes antes ca provincia.
O sistema, por outra banda trae outra novidade para Xenealoxía.org, que son as Keywords, metadatos ou palabras chave asociadas a cada artigo. Se estas son ben adxudicadas a canda publicación, o sistema cando mostre o artigo mostrará na columna da dereita os artigos que segundo esas palabras están relacionados. A axuda e moi grande se están ben elixidas.
Importante
Coma sempre toda colaboración é benvida e agora máis que nunca, pero mentres non remate de restituír todo o contido non vou a actualizar ningunha conta dos que as tiñades nin crear novas, para ter a seguranza de que só eu modifico as cousas e non perder datos (para aclararme mellor). Pero dende xa, podemos ir apuntando xa neste tema os erros que atopemos. Abonda copiar e pegar o título e dicir brevemente o que lle acontece. Hai moitos non escandalizarse
Enlaces directos:
http://www.xenealoxia.org/linaxes
http://www.xenealoxia.org/linaxes/celebridades
http://www.xenealoxia.org/linaxes/galicia
http://www.xenealoxia.org/linaxes/a-coruna
http://www.xenealoxia.org/linaxes/lugo
http://www.xenealoxia.org/linaxes/ourense
http://www.xenealoxia.org/linaxes/pontevedra
