A editorial 2.0 acaba de publicar o primeiro dicionario moderno galego-inglés. Este volume reúne máis de 20.000 entradas e tivo como antecedente o dicionario en liña que mantén o Seminario de Lingüística Informática da Universidade de Vigo.
Este dicionario cobre un baleiro nos dicionarios en galego e incorpora vocabulario de uso diario e 30.000 correspondencias, ademais de 60.000 contextos de uso paras as palabras. As entradas están baseadas en traducións reais o que, segundo a editora, proporciona unha ampla información semántica sobre os usos ingleses.
A Consellería de Cultura, Educación e Ordenación Universitaria, representada polo secretario xeral de Política Lingüística, Valentín García Gómez, participou esta mañá na presentación oficial do Dicionario moderno inglés-galego, o primeiro gran dicionario bilingüe elaborado por un equipo de especialistas en lexicografía da Universidade de Vigo (UVigo), en colaboración co departamento dirixido polo conselleiro Xesús Vázquez Abad, e publicado por 2.0 Editora.