Informacións orais recollidas da nosa parte veñen aportar datos novidosos arredor da batalla desenvolvida entre os días 25 e 26 de xullo de 1936 na curva denominada "A volta da Moura" entre os municipios de Tui e Salceda de Caselas. Sobre aquel combate escribimos xa para FARO DA CULTURA os pasados 6 e 13 de xuño con base na biliografía existente e nos datos de arquivo. As testemuñas que agora ofrecemos son as voces de tres persoas involucradas, de diferente maneira, naquel episodio bélico. Agás o primeiro dos entrevistados, falecido no ano 2010, os outros dous permanecen vivos e coa mente ben lúcida.