O Ateneo acolle unha charla sobre "Das Irmandades da Fala a Nós"
Publicado: 21 Ene 2016, 18:40
por serba
O presidente do Foro Enrique Peinador, Xosé González Martínez, impartirá unha conferencia mañá, ás 20.00 horas no Ateneo Santa Cecilia de Marín, co lema "Das Irmandades da Fala a Nós". A charla, con entrada libre e presentada pola escritora Elena Gallego, tratará sobre o centenario desta organización impulsada en 1916 por Vicente Risco, Arturo Noguerol e Manuel Peña Rey, entre outros destacados galeguistas.
Varias institucións preparan un simposio sobre as Irmandades para novembro
Do 17 ao 19 de novembro deste ano celebrarase o simposio 'Repensando Galiza: as Irmandades da Fala, 1916-1931', organizado polo Museo do Pobo, a Universidade da Coruña, a revista Murguía e varias fundacións.
O Foro de Amigos de Ferrol quere lembrar que o próximo 2017 se cumpren 100 anos da fundación na nosa cidade de Irmandades da fala.
OS FERROLÁNS E A FUNDACIÓN DAS IRMANDADES DA FALA
Neste ano 2016 vaise a celebrar o centenario da fundación das primeiras Irmandades dos Amigos da Fala na Coruña, nos locais da Real Academia Galega, xustamente o día 18 de Maio de 1916. Nomeado o seu primeiro presidente Antón Villar Ponte, a fundación da entidade coruñesa foi seguida pola creación das Irmandades da Fala de Santiago de Compostela, Monforte de Lemos, Pontevedra, Ourense e Vilaba durante ese mesmo ano.
Repensando Galicia: as Irmandades da Fala, 1916-1931
Publicado: 24 Feb 2016, 08:25
por serba
Museo do Pobo Galego
Repensando Galicia: as Irmandades da Fala, 1916-1931. 17-11-2016
En 2016 cúmprese o centenario da creación das Irmandades da Fala. Un congreso a celebrar no mes de novembro pretende fornecer un marco de análise da súa significación na evolución do pensamento, das ciencias, da literatura e das artes de Galicia.
O encontro que mantiveron onte representantes da Real Academia Galega e mais do Parlamento de Galicia deu nunha nova colaboración entre as dúas entidades. Segundo anunciaban onte Miguel Santalices, presidente do Parlamento e mais Xesús Alonso Montero, presidente da RAG, as dúas institucións editarán cinco antoloxías que recollerán textos das Irmandades da Fala, a coincidir coa celebración do ano dedicado a este movemento. A conmemoración do Ano das Irmandades foi unha iniciativa do Parlamento de Galicia.
10 de Marzo de 2016 - A exposición "Saúde e Terra, irmá(n)s!" percorrerá a partir do 18 de maio as sete cidades galegas para conmemorar o centenario da creación das Irmandades da Fala. O proxecto nace do acordo da Deputación da Coruña, o Museo do Pobo Galego e a Real Academia Galega.
Os profesores Pilar García Negro e Uxío-Breogán Diéguez presentarán o número monográfico de Murguía. Revista Galega de Historia dedicado ás Irmandades da Fala.
Román Rodríguez salienta o papel fundamental das Irmandades da Fala na dignificación da lingua galega e na difusión da súa utilidade http://www.xunta.gal/notas-de-prensa/-/ ... te][b]Tres seminarios, dúas exposicións e un proxecto web. Este ó conxunto de actividades coas que o Consello da Cultura Galega participa na programación que celebra o centenario das irmandades da Fala dado a coñecer esta mañá no Museo do Pobo Galego[/b]. Ramón Villares, presidente do CCG, detallou a as actividades da institución ao tempo que anunciou que se trata dunha conmemoración “precisa, necesaria e obrigada”. O acto estivo presidido polo Conselleiro de Cultura, Román Rodríguez, e asistiu o presidente da Real Academia Galega, Xesús Alonso Montero, o presidente do Padroado do Museo do Pobo, Xusto Beramendi, e os representantes doutras entidades.
Catro antoloxías, un acto conmemorativo na Coruña, un ciclo de mesas de debate e a dixitalización de fondos custodiados na Real Academia Galega son parte das propostas coas que esta institución celebrará o centenario das Irmandades da Fala.
No primeiro centenario das Irmandades da Fala, moitas figuras vinculadas a esa entidade merecen atención e recoñecemento, mais talvez ningunha máis necesitada de ambas cousas como a esposa de Antón Villar Ponte, Micaela Chao Maciñeira, única muller que participou no acto fundacional da nova organización, única que fixo parte da delegación irmandiña que viaxou a Cataluña en 1917, colaboradora do Conservatorio Nazonal do Arte Gallego e principal animadora da constitución dunha Sección Feminina no seo da Irmandade coruñesa.
Coñécense en Cuba
Micaela coñeceu o seu futuro esposo no segundo semestre de 1908 en Cuba, onde vivía cos seus pais, Juan Chao Fernández (propietario da fábrica de tabacos "La Capitana") e Carmen Maciñeira Bouzamayor e cos seus irmáns Juan, Antón, Tereixa (futura esposa de Ramón Villar Ponte) e Carme [...]
Luns, 18 de abril: Conferencia “Unha aproximación á historia das Irmandades da Fala”
Publicado: 13 Abr 2016, 15:30
por serba
O luns 18 de abril ás 20 horas o Ateneo de Santiago ten programada na Rúa do Vilar, 19 de Santiago de Compostela unha conferencia organizada pola Sección Arte, Educación e Cultura titulada “Unha aproximación á historia das Irmandades da Fala”, que estará impartida por D. Emilio Ínsua, escritor.
Emilio Xosé Ínsua López é Doutor en Filoloxía Galega pola Universidade de Santiago de Compostela e Profesor de Lingua e Literatura no IES A Basella de Vilanova de Arousa.
Conferencia As Irmandades da Fala no seu centenario
Publicado: 12 May 2016, 11:56
por serba
O Reitor Magnífico da Universidade da Coruña, Julio Abalde Alonso, ten a honra de o/a convidar á conferencia que, co gallo das Letras Galegas e a celebración do centenario das Irmandades da Fala, impartirá D. Uxío-Breogán Diéguez Cequiel baixo o título “As Irmandades da Fala no seu centenario”, o día 18 de maio ás 19:30 horas no Paraninfo da Universidade da Coruña.
Vimos como en maio de 1916, nunha xuntanza celebrada na sede da Real Academia Galega, na rúa Rego de Auga da Coruña, se fundou a primeira das Irmandades da Fala, botada á andar definitivamente despois de diferentes tentativas motivadas en parte por algún escrito do ferrolán Aurelio Ribalta Copete (1864-1940).
Dez días despois da constitución da primeira Irmandade da Fala na Coruña, o 28 de maio de 1916 nacía a compostelá. O seu presidente, o xurista Lois Porteiro Garea, pronunciou naquela xornada un discurso no que analizaba a situación da lingua, da cultura, da economía e da política galegas. Na véspera do centenario da formación desta agrupación, a Real Academia Galega incorpora, en copia dixital, á sección web As Irmandades da Fala nos Fondos da Academia o exemplar da primeira edición daquel discurso que o seu autor lle dedicou a Villar Ponte.
Lois Porteiro Garea naceu en Lugo o 16 de novembro de 1889 e faleceu en Santiago de Compostela prematuramente, vítima da gripe de 1918 [...]
O secretario xeral de Cultura recorda o "labor pioneiro e comprometido" das Irmandades da Fala e de Antón Villar Ponte
[...] minuciosa cronobiografía elaborada por Emilio Xosé Insua, que ofrece detallada información sobre a traxectoria vital e profesional de Villar Ponte. Por outra banda, a través dunha escolma de artigos da súa autoría, xunto cos doutros nomes como o de seu irmán Ramón Villar Ponte, Valentín Lamas Carvajal, Ramón Cabanillas, Robustiano Faxinas, Xoán Xesús González, Ramón Otero Pedrayo, Vicente Risco e Castelao.
El Ayuntamiento de Monforte recordará en San Vicente con una placa sobre un pedestal de granito en honor de Manuel Banet Fontenla el primer centenario de la fundación de las Irmandades da Fala. Banet fue uno de los impulsores de las irmandades, participó en la fundación de la Real Academia Galega y ejerció como notario en Monforte a comienzos del siglo XX.
El monumento será inaugurado el viernes (19:00 horas) en un acto en el que además del alcalde intervendrá Xaquín Monteagudo, que es el actual presidente de la Irmandade Xurídica Galega, además de nieto de Manuel Banet.
Francisco Albo | Monforte
Monforte recupera a figura do dirixente galeguista histórico Manuel Banet
Hai cen anos fundou na cidade a terceira agrupación local das Irmandades da Fala aparecida en toda Galicia
Presentación dun libro
Á importancia destes precedentes históricos esté dedicado o libro Os xuristas das Irmandades da Fala, unha obra colectiva que será presentada o sábado na Casa de Cultura durante a asemblea anual da Irmandade Xurídica Galega [...]
O profesor, escritor e tradutor Henrique Harguindey Banet, neto de Manuel Banet Fontenla, participará na homenaxe que se renderá en Monforte ao seu avó.
- ¿Manuel Banet tiña algún vínculo familiar coa comarca de Lemos?
- A súa dona, Carmen Díaz-Varela Otero, naceu en Quiroga, pero pasou toda a súa infancia en Rosende, no municipio de Sober. En Monforte naceron a maioría dos once fillos que tivo o matrimonio [...]
"Se queren coñecer máis polo miúdo o que hai detrás das Irmandades da Fala, eu convídoos a que se introduzan na revista Estudios Gallegos, que é en realidade a primeira das formulacións máis modernas do galeguismo". O historiador e membro da Real Academia Galega Xosé Ramón Barreiro abriu onte o ciclo de mesas de debate da institución dedicado ás Irmandades da Fala profundando nesta publicación, que apareceu antes da fundación dun movemento que cumpre cen anos.
As Irmandades da Fala crían necesario un novo rexurdimento literario, pero a súa estratexia a prol do galego incluíu a súa extensión a todo tipo de contextos cultos nos que ata o momento non tivera cabida ou apenas se cultivara. Da súa man emerxeron así a oratoria, o ensaio ou unha serie de medios de comunicación en galego, parte dos eidos nos que se centrará o ciclo No tempo das Irmandades: fala, escrita e prelos, unha das iniciativas da Real Academia Galega co gallo do centenario da fundación deste movemento que marcou un antes e un despois na historia de Galicia e do idioma. As dúas primeiras mesas redondas do ciclo, que conta coa colaboración da Xunta de Galicia, celebraranse en Santiago de Compostela os vindeiros 7 e 19 de xullo, baixo os títulos Oratoria e prosa non ficcional e As Irmandades da Fala e a prensa, respectivamente.
O investigador Emilio Xosé Ínsua realiza unha descrición detallada da traxectoria das Irmandades da Fala na obra "A nosa terra é nosa! A xeira das Irmandades da Fala 1916-1931" que publica Baía Edicións
A exposición das Irmandades da Fala poderá verse ata o 4 de agosto en Santiago e a partir do día 10 en Vigo
Publicado: 28 Jul 2016, 11:47
por serba
A exposición que conmemora o centenario das Irmandades da Fala segue a difundir o seu legado durante o verán. 'Saúde e Terra, irmá(n)s!' permanece ata o vindeiro 4 de agosto en Santiago de Compostela, no Museo do Pobo Galego, entidade coorganizadora xunto á Real Academia Galega e a Deputación da Coruña. A seguinte parada será Vigo, onde poderá verse a partir do 10 de agosto e ata o 8 de setembro da sede da Fundación Barrié.
Membros da Escola Dramática Galega, iniciativa das Irmandades da Fala da Coruña, no parque de Santa Margarida da Coruña no ano 1923. A imaxe pode ver na exposición.http://academia.gal/inicio/-/asset_publ ... _count%3D4
A Real Academia Galega celebrará este xoves, 29 de setembro, no Museo de Pontevedra unha nova mesa de debate do ciclo No tempo das Irmandades: fala, escrita e prelos. O programa, que itinera por distintas localidades, é unha das iniciativas da RAG para conmemorar o centenario deste movemento fundamental para a defensa da nosa lingua [...]
O contexto internacional das Irmandades da Fala a debate no Consello da Cultura Galega
Hoxe comeza no Consello da Cultura Galega o congreso internacional “O contexto internacional das Irmandades da Fala. As nacionalidades na Europa de entreguerras: de imperios a nación”, que analiza o tempo das Irmandades da Fala no centenario da súa fundación. Coordinado por Xosé M. Núñez Seixas, este encontro conta con relevantes historiadores europeos que abordan a cuestión das nacionalidades dende unha perspectiva comparada.
No ano no que se conmemora o centenario das Irmandades da Fala, a USC sumouse este xoves ás homenaxes cun recordo ao que fora profesor da Universidade de Santiago e un dos fundadores das Irmandades en Santiago, Luís Porteiro Garea (Lugo, 1889 – Frades, 1918).
Peña Novo, Risco e Cabanillas, protagonistas dunha nova mesa de debate en Lugo
Publicado: 08 Nov 2016, 23:10
por serba
O vilalbés Lois Peña Novo será unha das figuras recordadas este xoves, 10 de novembro, na mesa sobre as Irmandades da Fala que a Real Academia Galega celebrará no Pazo de San Marcos de Lugo, a partir das 19.30 horas. O académico Darío Xohán Cabana moderará o encontro no que o escritor Manuel Roca Cendán falará sobre o pensamento de Peña Novo, a académica correspondente Olivia Rodríguez profundará na figura de Vicente Risco e o académico de número Francisco Fernández Rei achegará o público a Ramón Cabanillas.
O simposio ‘Repensando Galiza’ afonda no labor impulsado polas Irmandades da Fala nas súas diversas vertentes
A iniciativa desenvolverase do 17 ao 19 de novembro no Museo do Pobo Galego co apoio da Consellería de Cultura e Educación
Desde hoxe e ata o 17 de xaneiro, a Biblioteca de Galicia percorre a historia das Irmandades cunha exposición bibliográfica de máis de 60 pezas, entre as que destacan manuscritos, debuxos e fotografías que pertenceran a Camilo Díaz Baliño
O IESCHA conmemora o centenario da constitución das Irmandades da Fala de Vilalba
Publicado: 22 Nov 2016, 12:07
por serba
A cuarta Irmandade de Galicia constituíuse en Vilalba o 24 de novembro de 1916 na sede do periódico local "Heraldo de Villalba", situada na casa número 7 da rúa Valeriano Valdesuso, acaroada até a súa expropiación en 1965 á Torre da Homenaxe do Castelo, actualmente edificio emblemático do Parador.
Baixo o título Unha nova poética anovadora, Vigo acolle a oitava mesa de debate do ciclo No tempo das Irmandades: fala, escrita e prelos, unha das iniciativas da Academia para celebrar o centenario da fundación das Irmandades da Fala.
Lugar: Casa Galega da Cultura. Praza da Princesa, 2 - Vigo.
Con motivo del centenario de las Irmandades da Fala, la asociación cultural Vagalumes de A Estrada presentará el próximo viernes, 23 de diciembre, el libro As Irmandades da Fala (1916-1931). Reivindación identitaria e activismo socio-político-cultural no primeiro terzo do século XX. La obra está coordinada por el profesor Uxío Breogán Diéguez y en ella colaboran diversos estudiosos. La presentación está programada para las 20.00 horas en la Sala Abanca, contando con la intervención de dos coautores de esta obra, el catedrático emérito de la USC Justo Beramendi y el estradense Xoán Carlos Garrido.
Para aglutinar seguidores e difundir o seu pensamento, os promotores das Irmandades da Fala lanzaron a cabeceira A Nosa Terra no remate do ano fundacional de 1916.
A Universidade da Coruña pechou hoxe a súa conmemoración do centenario das Irmandades coa publicación dunha reprodución facsimilar daquel primeiro número do boletín irmandiño.
O libro, editado polo Servizo de Publicacións da UDC, foi preparado polos profesores Uxío-Breogán Diéguez e Teresa López, co apoio e a colaboración da Fundación Penzol e da Deputación da Coruña. Xunto cos seus traballos, inclúe un texto de Víctor Casas, galeguista histórico que fora director d’A Nosa Terra naquela época.
A Coruña, 30 de xaneiro de 2017.- Mañá, martes, 31 de xaneiro, ás 20:00 horas, no local da ONCE (Cantón Grande, 3, A Coruña) terá lugar o lanzamento do volume As Irmandades da Fala, cen anos despois, editado polo Servizo de Publicacións da Universidade da Coruña e coordenado pola profesora Carme Fernández Pérez-Sanjulián.
'As Irmandades da Fala. 100 anos' e 'Galicia, 1918-1988', mércores ás 22.45 h. na tvG2
Publicado: 28 Feb 2017, 16:15
por serba
As Irmandades da fala naceron coa idea de exaltar, dignificar e fomentar o uso do galego. Pero tamén reivindicaron, xa no 1918, o sufraxio universal e a igualdade de dereitos entre homes e mulleres. Para coñecer máis polo miúdo o pensamento deste grupo de galeguistas, a tvg2 emitirá este mércores, a partir das 22.45, dous documentais históricos. “As Irmandades da Fala. 100 anos” e Galicia, 1918-1988”. Dúas boas oportunidades para entender unha parte indispensable do noso pasado.
Con data 15 de abril de 1917 fundábase no local da agrupación musical Airiños da miña terra a Irmandade da Fala de Ferrol: Xaime Quintanilla ocuparía o cargo de conselleiro primeiro; Xoán García Niebla, o de conselleiro segundo; Uxío Charlón, o de secretario; e Cabo Pastor, o de tesoureiro. Ao igual que tiña acontecido por outras localidades de Galiza desde que se constituíra a primeira das súas Irmandades na Coruña no 18 de maio de 1916, Ferrol sumarase a esta ilusionante iniciativa de índole sociopolítica, alén de cultural, que abranxería todo o territorio galego.
Bandeira das Irmandades da Fala de Betanzos, custodiada no Museo das Mariñas
Publicado: 26 May 2017, 09:06
por serba
Bandeira das Irmandades da Fala de Betanzos, custodiada no Museo das MariñasRecordar a Irmandade da Fala de Betanzos cunha placa ante a que foi a súa sede cando están a piques de facerse, o vindeiro 23 de outubro, cen anos da súa fundación. É a proposta que levará ao pleno o BNG, defendendo que se instale na fachada ou ante a casa na que tiveron a súa sede, o antigo número 22 dos Soportais do Campo, unha placa que homenaxee de xeito público e permanente á Irmandade da Fala.
Xaime Quintanilla formou parte das Irmandades da Fala...
Publicado: 28 Jun 2017, 08:52
por serba
Xaime Quintanilla formou parte das Irmandades da Fala desde o momento da constitución, en 1916, cando se uniu á agrupación de Compostela, onde estudaba Medicina, e tras establecerse en Ferrol xogou un papel importante para que se fundase nesa cidade unha irmandade local. Alí foi tamén un dos nomes que converteron o grupo ferrolán nunha referencia para o novo teatro galego. Donosiña, estreada en 1921 no Teatro Jofre, é boa mostra deses novos aires que lle imprimiron á dramaturxia. A Academia conserva o manuscrito da obra, que comparte en versión dixital na sección As Irmandades da Fala nos Fondos da Academia.
Reflexións sobre as Irmandades para ollar o futuro
Publicado: 24 Ene 2018, 16:46
por serba
Vinte e nove contribucións sobre as Irmandades da Fala expostas no ciclo organizado pola Real Academia Galega co gallo do centenario da fundación deste movemento forman o novo volume editado pola Sección de Literatura da institución. Publicado co apoio da Deputación de Pontevedra, No tempo das Irmandades: fala, escrita e prelos xunta as achegas dos relatores e relatoras que protagonizaron no segundo semestre de 2016 os encontros co mesmo nome...
7 de noviembre de 1918 - EL NACIONALISMO GALLEGO, DE LUTO POR PORTEIRO
Las Irmandades da Fala de La Coruña preparan un homenaje al líder del nacionalismo gallego, Luis Porteiro Garea, fallecido hace unos días. Han prometido su colaboración los artistas Castelao, Asorey, Camilo Díaz y los poetas Ramón Cabanillas, Taibo y López Abente.
Centenario da I Asemblea das Irmandades da Fala en Lugo
O movemento das Irmandades da Fala nacido en 1916 ten un dos seus fitos fundacionais na Asemblea Nacionalista celebrada na cidade de Lugo os días 17 e 18 de novembro de 1918, hai agora un século.