Aureliano José Pereira de la Riva (Lugo, 1855)

[serba]

No 160º aniversario do seu nacemento, evocamos a figura do escritor, xornalista e político lugués Aureliano J. Pereira.
Nado en Lugo o 22 de xaneiro de 1855 no seo de familia humilde, e finado en Madrid o 31 de outubro de 1906, Aureliano José Pereira de la Riva, quen asinaba os seus artigos como Aureliano J. Pereira, amosou desde moi cedo as súas grandes aptitudes para o exercicio da escritura xornalística e a súa vontade de participar nos debates políticos do seu tempo.
Neste segundo aspecto, o historiador Ramón Máiz sinala o seguinte no seu libro Aureliano Pereira. Escritos sobre Federalismo e Galeguismo (Centro Ramón Piñeiro, 2006): "o que fai a Aureliano Pereira un caso único no seo do galeguismo do século XIX é a articulación estreita e orixinalísima do rexionalismo cultural e político co federalismo republicano, sen erosionar ou degradar a súa síntese ningún de ambos os dous compoñentes". http://www.realacademiagalega.org/novas ... _count%3D3