Foz, 27 de outubro de 2015.- A asociación cultural A Pomba do Arco organiza a presentación do libro A Historia de Odoyno, que terá lugar este venres, día 30, ás 20.30 na librería Bahía de Foz.
Este libro que se presente é froito de moito tempo traballando sobre o tema da vida, da obra e do legado de Odoino. O protagonista deste libro é un monxe galego do século X, que pouco antes da súa morte redacta un documento, a modo de testamento, onde narra as súas experiencias vitais, recolle datos históricos do momento vivido e doa ao mosteiro de Celanova a súa propiedade máis querida, a igrexa de Santa Comba de Bande. Rodríguez Baixeras recolle ese testamento que se conserva no Tombo de Celanova e transcríbeo. O documento escrito pouco antes do 982 por Odoino servirá de base documental para que o profesor Baixeras responda a unha serie de preguntas que o citado texto suscita.
O historiador ribadense publica 'Crónicas da Galiza Bárbara', volume no que se centra na fundación de San Martiño de Mondoñedo ou na figura do Conde Santo
