Foros Xenealoxía.org - Apellidos de Galicia

Aínda non se sabe se os respectivos concellos festexarán cadansúa efeméride, pero o certo é que, neste ano 2014, cumpriranse 110 anos do nacemento do galeguista Xulián Magariños (de Negreira) e 100 do bañés Avelino Pousa, Lucho do Peto. Ó fío, o historiador Amancio Liñares leva semanas cunha campaña para poñer en valor e difundir os logros acadados por ámbolos dous persoeiros.
Así, do primeiro dos intelectuais (que nomea unha rúa e ó instituto de Negreira), Liñares destaca que Xulián Manuel Cipriano Magariños Negreira, nado na vila o 16 de setembro de 1904 e finado o 9 de xullo de 1934, "foi un escritor e avogado galego", que entre 1923 e 1928 estudou Dereito en Santiago e foi "membro fundador do Seminario de Estudos Galegos durante a súa etapa universitaria". En setembro de 1928 marchou a Madrid para preparar as oposicións a rexistrador da propiedade e en 1930 voltou a Negreira e establécese cun bufete de avogado. Escribiu na prensa (A Nosa Terra, Céltiga, El Compostelano, El País Gallego, La Voz de Barcala, Nós) e publicou dúas novelas curtas: O Kalivera 30 H.P. (que editou Lar en 1926) e O filósofo de Tamarica (Lar, 1926).
http://www.elcorreogallego.es/terras-de ... ia-846661/