Documento da guerra irmandiña do século XV

[lamigueiro]

<i>Nota: A mensaxe foi movida aquí polo moderador, por considerala unha categoría máis axeitada.</i><br>



Gostaría amosaros un documento que fala das terras de Ferrol e Narón, no século XV.

Aparece no libro As guerras Irmandiñas de Anselmo López Carreira, editado por Edicións A Nosa Terra. Recomendoo para que quera saber máis sobor ista interesante época da historia de seu de Galiza, nela aparecen moreas de nomes e apelidos, viculados os feitos das guerras irmandiñas, con referencia os lugares onde viviron no século XV.



1468, abril, 1. Lugo.



A Xunta da Irmandade manda observar os privilexos de que gozan os moradores dos coutos dos mosteiros de Pedroso e Xubia.



Nos la universidad, alcaldes, procuradores, presydentes et diputados de la Santa Hermandad de las cibdades, villas et logares de este Regno de Galisya, que aquí somo et estamos juntos en esta junta et congregación que fasemos por mandado de las dichas cibdades, villas et logares del dicho Regno, e esta antigua cibdade de Lugo, a vos el corregidor de la cibdade de Crunna et alcaldes hordinarios de la Santa Hermandad de la dicha cibdade et de la cibdade de Betancos et de la villas de Ponedeume et Ferrol et Cedeira et Santa Marta et de sus tierras, comarcas et juridisciones et a cada uno et qualquer de vos a quien esta nuestra carta fuere mostrada, salud et gracia. Sepades que por otra parte del procurador de los vesinos et moradores de los cotos et encomendas de los monesterios de Sant Salvador de Pedroso et San Matinno de Joyva nos fue pedido por su petición et mostrado por privilegio rodado, dado et otorgado por los reys de Castilla, de gloriosa memoria, et confirmado por el rey don Enrique nuestro sennor, en el cual dicho previlegio se contenia en commo los dichos vesinos et moradores en los dichos cotos et abadias eran subditos a los dichos monesterioset non otra persona alguna, libertados et franqueados asy por vertud del dicho previlegio et sobrecarta del dicho sennor rey, que anate nos presentaron, segundo que mas larga et conpridamente en el dicho previlegio et sobrecarta del snnor rey se contiene, et por la dicha peticion nos enbiaron pedir que les mandasemos dar et diesemos nuestra carta para vos, dichas justicias de las cibdades et villas et logares, que los defendiesedes et anparasedes con las liberdades et franquesas que por vertud del dicho previlegio et sobrecarta del dicho snnor rey tyenen et han. Et nos, vista su peticion et previlegio et sobrecarta, mandamos dar esta nuestra carta para vos, en la forma segiente, porque vos mandamos a vos, las dichas justicias et cada una de vos, que syendo requeridos cada unos en sus jurisdicciones et viendo el dicho previlegio et conformacion presentado ante vos por el procurador de los dichos cotos de los dichos monesterios et lo cunplades et fagades cunplir en todo por todo segundo en ello se contiene, et contra el thenor et forma de ellos non vayades nin consyntades yr nin pasar, mandoles gardar et gardedes todas las honras, franquesas et libertades que por vertud del dicho previlegio deven de aver. Et non fagades ende al, so pena de dies mill mrs a cada uno et qual quer de vos que lo contrafesiere et fesierdes para la arqa general de nuestra Santa Hermandad. Et esto se entienda que el dicho previlegio sea gardado et conplido segundo que faasta aqui se gardo et conplio et non de otra manera. Dada en la dicha cibdade de Lugo, primero dia del mes de abril, anno del nasimiento de nuestro salvador de mill et quatrocentos sasenta et ocho annos. Crunna, Pedro Garcia, Juan Branco. Santiago, Pedro Dieguez notario. Ferrol, Iohan Fernandez, notario, Goncalvo Lopes, Iacobus Lagumilia.

Carta que guarden et cumplan et fasan guardar et cumplir justicias el previlegio que tienen los monesterios de Pedroso et Joyva.

ACM. Pedroso. Armario 5 estante 1 leg 7. Ed Cal Pardo, E. op cit, ps 278-279.



Xose Lois Lamigueiro



<font size=1>[ Esta mensaxe foi editado por: lamigueiro _FIL 2002-01-12 18:17 ]



<font size=1>[ Esta mensaxe foi editado por: Cruzul _FIL 2002-01-13 03:11 ]

<font size=1>[ Esta mensaxe foi editado por: lamigueiro _FIL 2002-01-14 10:37 ]