Impresionante dende logo. Acabo de teclear o nome do irmán do meu avó y ... ESTÁ, con unha contradición coa versión familiar en canto á cárcere que tentarei comprobar. (xa o comprobei e foi erro meu de localización, estaba TODO CORRECTO)
Con fin do contrato dos tres traballadores que continuaban no proxecto, Nomes e Voces dáse por finalizado malia manteren aberta a web http://www.nomesevoces na que se inclúe o censo de vítimas da represión alén dun amplo conxunto de materiais arredor da represión. Os contidos non se ampliarán nin se recollerán novos materiais como se viña facendo até o de agora. http://www.sermosgaliza.com/artigo/memo ... 16631.html
Unha das primeiras decisións do Goberno de coalición de PSdeG e BNG foi declarar o 2006 como Ano da Memoria. Ao abeiro daquela iniciativa promovida pola Consellería de Cultura xurdiu o proxecto de investigación Nomes e Voces, que implicou as tres universidades galegas co obxectivo de "estudar a represión franquista durante a Guerra Civil e a ditadura e ofrecerlle á sociedade os datos relativos ás persoas que sufriron algún tipo de persecución por mor da súa ideoloxía e da súa posición favorable á democracia republicana". Entrevistas con vítimas e as súas familias, baleirado de milleiros de causas xudiciais e unha abondosa produción científica remataron definitivamente o pasado verán pola fin do financiamento público. Agora, a Xunta gábase dos anos nos que o apoiou.
