Correspondencia de Castelao, notas manuscritas da súas estadías en Cuba Nova York, un álbum de debuxos orixinais (con seis autocaricaturas e unha da cuberta do mesmo álbum)… son algúns dos materiais que garda a Fundación Penzol. Un fondo que se dixitalizará grazas a un convenio que o presidente da entidade, Alfonso Zulueta de Haz, asinou hoxe co titular de Educación e Cultura, Xesús Vázquez. A Consellaría achega 35.000 euros e recibirá unha copia do dixitalizado que estará dispoñible na Cidade da Cultura. Os fondos incluén tamén documentos relativos aos Dominicos e aos Agostiños, fondos notariais pertencentes a Gómez Fernández e Francisco de Lerma e de varias asociacións recoñecidas.
