Engadir ao respecto da liñaxe de Xoán Manuel Pintos Villar, que a irmá maior deste escritor, Francisca Juana Pintos Villar, casou co súbdito francés Juan Simón Barrié, fillo de Juan Luis Simón e da súa dona, Margarita Barrié. Froito do matrimonio entre Francisca Pintos e Juan Simón, nacerá Basilio Leopoldo Cimogenes Simón Pintos, bautizado en Santa María de Pontevedra o 20 de abril de 1838.
É moi posible que os nomes destes súbditos franceses fosen castelanizados á hora de redactar a partida de bautismo, polo que deberiamos interpretar Jean Louis Simon e Marguerite Barrie no canto de Juan Luis Simón e Margarita Barrié, e con toda probabilidade o nome do seu fillo debe ser Jean Simon Barrie.
