A casa en Nadela do 'xefe' do Rei

[serba]

Carmen Uz / El Progreso (Lugo)
Nadela non ten moi claros os seus límites (dispútanllelos San Xoán de Pena e San Mamede dos Anxos), pero ten un veciño ilustre: Jaime Alfonsín Afonso, probablemente a persoa que neste país máis responsabilidade ten ás súas costas desde que hai pouco máis de tres semanas Felipe VI nomeouno xefe da Casa Real.
Jaime e as súas irmás, Isabel e Cristina, manteñen a casa familiar en Nadela, xusto antes do desvío cara a Sarria. É un caserón de dúas plantas, cunha gran leira por detrás que chega ata o camiño que leva ao campo de fútbol. Coñécese como a Casa da Botica, negocio que rexentou o seu avó, don Francisco, e que tivo continuidade na familia, aínda que en distinto lugar. Francisca, filla do boticario e nai de Jaime, tivo farmacia en Madrid, preto da Praza Maior, un establecemento que agora leva a súa filla pequena.
http://elprogreso.galiciae.com/nova/345 ... a-jefe-rey