"O Alcalde de Lugo presentou as Xornadas Cidades Amuralladas do Noroeste Peninsular que reúne a arqueólogos portugueses e españois"
Luns, 12/11/2012
Terán lugar os días 28, 29 e 30 de novembro e aquelas persoas interesadas poderán inscribirse gratuitamente ata o día 27 a través do mail info@muralladigital.eu
José López Orozco e Sonia Méndez destacaron a participación de importantes arqueólogos a nivel internacional e que forman parte do organismo Patrimonio Mundial
Entre os días 28 e 30 de novembro desenvólvense en Lugo as xornadas ‘Cidades / Vilas amurallas do noroeste peninsular’, que se encadran dentro do proxecto europeo Muralla Dixital, do que forma parte a USC xunto co Concello de Lugo e outros municipios do norte de Portugal (Valença do Minho, Monção e Melgaço), ademais da agrupación de empresas galegas de novas tecnoloxías INEO e o Centro de Computação Gráfica de Coimbra.
Estas xornadas, enmarcadas tamén nas celebracións do décimo segundo aniversario da declaración da Muralla de Lugo como Patrimonio da Humanidade, teñen como finalidade “sensibilizar á cidadanía da necesidade de preservar e difundir o patrimonio amurallado existente en numerosas cidades da península ibérica, como fiel reflexo da súa formación e evolución urbanística ao longo da Historia, e como importante recurso cultural e turístico”, segundo os seus organizadores.
"O Alcalde de Lugo inaugurou as Xornadas de Arqueoloxía que reúnen a especialistas de España e Portugal"
[...] Estas xornadas, que reúnen a un importante número de especialistas en arqueoloxía, teñen a finalidade de sensibilizar á cidadanía da necesidade de preservar e difundir o patrimonio amurallado que existen en moitas cidades tanto de España como de Portugal xa que é o mellor reflexo da súa evolución urbanística. No encontro participan especialistas universitarios e xestores públicos de diversas vilas e cidades amuralladas de España e de Portugal, que falarán sobre as súas experiencias, problemas e especificidades na xestión e posibilidades e retos deste tipo de elementos arquitectónicos. [...]
Programa das xornadas
Mañá xoves 29 continúan os relatorios na Casa do Saber coas intervencións dos arqueólogos municipais das cidades de Ávila e Pontevedra. A xornada de mañá péchase cunha visita a varios centros museísticos da capital lucense. Pola tarde será a quenda dos responsables do departamento de arqueoloxía de Santiago de Compostela e Melgaço, logo de cuxas intervencións continuarán as visitas aos diferentes espazos arqueolóxicos da cidade de Lugo. Xa o sábado 30 a actividade desprázase ao Museo Interactivo de Historia de Lugo, recentemente inaugurado, no que se desenvolverán senllos relatorios sobre a evolución urbanística da vila portuguesa de Monção, a fortaleza de Valença do Minho e o Plan Director das Murallas da Coruña.
"O Alcalde propón a creación dun circuito de cidades Patrimonio Mundial do Noroeste peninsular no día que Lugo conmemora que hai doce anos a UNESCO lle deu este recoñecemento á Muralla romana"
O Alcalde de Lugo, José López Orozco, propuxo hoxe a creación dun circuito de cidades Patrimonio Mundial do Noroeste da Península Ibérica, no que se poderían incluir as cidades de Guimaraes, Oporto, Santiago, A Coruña, Lugo e, algún día, Ferrol e Valença do Minho.
"O Proxecto Muralla Dixital incluirá unha ruta transfronteiriza e aplicacións sobre o patrimonio galego-portugués"
A asociación INEO vén de amosar en detalle os múltiples beneficios que está a achegar xa o Proxecto Muralla Dixitalhttp://www.muralladigital.eu, unha iniciativa dirixida a aplicar as novas tecnoloxías para a posta en valor do patrimonio histórico dos recintos amurallados de cidades de Galicia e do norte de Portugal. Este proxecto, liderado polo Concello de Lugo en colaboración co de Santiago e INEO (amais dun bo número de entidades lusas), é a xuízo de Lucía Gregorio, directora xeral da dita asociación empresarial galega, “unha xanela á nosa historia” [...]
