Historia institucional
En 1600 aparece como primeiro señor da fortaleza do Val de Veiga (Santa María de Celas, Culleredo), Bernardo Maldonado de Ponte y Herce, así como señor do coto de Vinxeira Grande (Santa María de Celas, Culleredo). A súa descendente María Benita Maldonado Freijomil casa, ó redor de 1700, con Alejo de Seixas e Pedrosa, descendente de Isabel Montoto de Figueroa y Andrade, da casa de Xaz, e o seu esposo, Andrés de Pedrosa, da casa de Pedrosa. O seu neto, Simón María Pedrosa Gutiérrez Hurtado de Mendoza, sucesor das casas e fortalezas de Pedrosa, Val de Veiga, xurisdiccións de Vinxeira Grande, Dorneda, Brates, Santa Marta e outras, casa a principios do século XIX, con Jacoba Moscoso Taboada Llorente, señora dos coutos e xurisdiccións de Turces, Montes, Barcala, e outras. Estes bens e títulos converxen na persoa do seu fillo, Santiago Pedrosa Moscoso, pai de Jesusa Pedrosa Álvarez-Maldonado, que pola súa vez casa con Francisco Javier Ozores Losada, Conde de Priegue, uníndose ámbolos dous patrimonios.
NOTA:
Artigo recollido do Arquivo do Reino de Galiza. Os fondos desta casa están depositados no devandito arquivo.
