Con frecuencia a políticos, adegueiros e axentes turísticos énchense a boca falando da historia do viño do Ribeiro. Pero non deixa de ser curioso que aínda falte un gran estudo histórico sobre a viticultura da comarca. Hai datos parciais, artigos, ciscados. A consecuencia é que a xente mírame raro cando afirmo que o Ribeiro posiblemente conserve máis adegas medievais e renacentistas que a Borgoña, e que foi berce dunha cultura do viño moi sofisticada a nivel europeo. E adoito dicilo porque a pouco que se rañe, os documentos están aí.
